影片
更多
2024-07-27
673 浏览
带狗狗出去玩，当然最重要就系要去揾间Pet Friendly餐厅，即刻上网揾到间系附近嘅墨西哥菜餐厅，所以就去食个午餐兼劲打卡。餐厅以仙人掌作主题，装修充满墨西哥风，分为室内同半室外范围。与狗狗同行被安排坐系半室外座位，但感觉都唔错嘅，Chill 得嚟又几有特式。我地就叫左两个Lunch Set， Upgrade左配有餐汤同Mocktail。难得嚟食墨西哥菜，就当然要叫埋著名小食Taco嚟食啦！先嚟两杯Mocktail，我𠮶杯系 BRFORE DATING，以柚子味为主再加上柠檬汁，好清新嘅感觉。大少嘅就系ROMANTIC，以荔枝汁配石榴汁，大少话佢个荔枝味好香，大赞好饮哦。当然…唔止好饮，仲好啱打卡添。是日餐汤系龙虾汤，汤质感偏向浓稠，入口超香浓嘅能虾味，啖啖充满鲜味，口感非常丰富。Taco我地就叫左手撕猪同埋三文鱼&粟米，单睇外表都已经非常吸引，两款馅料嘅味道都好好，脆脆嘅外皮再放都满满又丰富嘅馅料，咬一啖就已经好满足。店员哥哥仲教我地食嘅时候加上地道墨西酱嘅，更加可以带出Taco嘅风味。我嘅主菜就系 烧盲曹鱼炖什豆菠菜配墨西哥酸浆酱，由于个酱汁系带点辣，店员哥哥知道我地唔太好辣嘅
餐厅以仙人掌作主题，装修充满墨西哥风，分为室内同半室外范围。与狗狗同行被安排坐系半室外座位，但感觉都唔错嘅，Chill 得嚟又几有特式。
我地就叫左两个Lunch Set， Upgrade左配有餐汤同Mocktail。难得嚟食墨西哥菜，就当然要叫埋著名小食Taco嚟食啦！
先嚟两杯Mocktail，我𠮶杯系 BRFORE DATING，以柚子味为主再加上柠檬汁，好清新嘅感觉。大少嘅就系ROMANTIC，以荔枝汁配石榴汁，大少话佢个荔枝味好香，大赞好饮哦。当然…唔止好饮，仲好啱打卡添。
是日餐汤系龙虾汤，汤质感偏向浓稠，入口超香浓嘅能虾味，啖啖充满鲜味，口感非常丰富。
Taco我地就叫左手撕猪同埋三文鱼&粟米，单睇外表都已经非常吸引，两款馅料嘅味道都好好，脆脆嘅外皮再放都满满又丰富嘅馅料，咬一啖就已经好满足。店员哥哥仲教我地食嘅时候加上地道墨西酱嘅，更加可以带出Taco嘅风味。
我嘅主菜就系 烧盲曹鱼炖什豆菠菜配墨西哥酸浆酱，由于个酱汁系带点辣，店员哥哥知道我地唔太好辣嘅时候，就主动帮我地改用鲜红花忌廉汁，细心度真系要俾个like佢呀！估唔到盲曹鱼系咁大条，而且个鱼肉好滑身，加埋个什豆菠菜蓉一齐食，个味道都几得意。
大少就叫左安格斯牛肉汉堡，真系劲大个嘅汉堡，超Juicy嘅汉堡扒、仲有滑滑嘅芝士同埋新鲜嘅生菜蕃茄，好多料好满足，入口好有层次好丰富呢。另外佢配嘅炸薯角都唔错，油少少佐炸刑到外脆内软，好味到停唔到口。
我觉得依间可以话系坚Pet Friendly，因为佢地有Pet Menu提供，咁主子唔止系陪食打卡咁简单，绝对系要大力支持有心以宠物出发嘅餐厅呀！
张贴
