元朗合隆潮州粉麵 (新文華中心)

营业中

休息中

平时粉面店通常都离唔开鱼蛋河云吞面咁...呢间嘅选择比较另类，有牛肉饼，珍珠蚝，墨鱼头，羊肉同猪什...汤底方面除左清汤有胡椒汤麻辣汤，最正有银针粉拣！之前试过胡椒汤底真系坚呛，唔系人人顶得顺咁刺激～今次外卖点了清汤珍珠蚝，爆汁牛肉饼，鲜牛肉银针粉！清汤汤底系奶白色嘅猪骨汤，浓郁带有胡椒味配银针粉食都足味唔会太咸；珍珠蚝粒粒胀卜卜，新鲜唔会有臭味；鲜牛肉即使浸系热汤到都唔会靭，新鲜都有牛味；爆汁牛肉饼就夸咗，虽然无爆汁，但好弹牙，味道似食靓牛丸咁！整体配料系新鲜，粉面都可有另类选择！