豐鍋雞煲 (京瑞廣場1期)

营业中

休息中

阿女上次来「丰锅」食过午餐后，表示很想来吃鸡煲，所以今晚一家人来试吓。先叫咗一个「滋补螺片花胶鸡煲」（半只$188 ），虽则话系半只鸡，但我觉得都几大只，只鸡都尚算滑，个汤都几好味，花胶都有好几旧。食到咁上下就打边炉，我哋叫咗一客「顶级安格斯牛小排」（ $178 ），份量唔少，而且雪花纹好靓，脂肪均匀，食落去都好鲜嫩。另外叫咗手工即炸脆鱼皮（ $48 ），冇谂过系咁大块，好惊喜！好脆而且好有味！阿仔不停再要！再要！另一惊喜系响铃，佢有三款唔同响铃，今次我哋拣咗即炸紫菜响铃（ $38/3件），条响铃都大条有紫菜夹住喺里面，系几有特色。至于「手工四宝丸」（$85）就有虾丸、鲮鱼丸、墨鱼丸，同埋黑墨丸，全部人手打，仲放几粒蟹籽喺面，食落好弹牙，好食！杂菜篮（ $68 ）有三款菜，全部都好新鲜、深绿色好靓。佢都有几款特饮，我哋拣咗「大话七」（$32）同埋「水蜜桃梳打」（ $38 ），前者其实系七喜加话梅，话梅味唔算重，不过感觉好过净系饮汽水，后者冇乜特别，几好饮呀！