打吡餐廳酒吧

营业中

休息中

打吡餐厅酒吧听个名都够特别啦，餐厅装修复古，用上木材家私，好有古旧味道既装修。我地先叫佐蒜蓉荷兰肠$88，垫底既薯蓉好幼滑，面头焗到微焦，牛油味又浓，荷兰肠切好晒一片片，煎香佐好香脆，配埋软绵绵既薯蓉食好正，好好味呀！😋唔够喉既我地再叫多个小食麻辣牛脷$98，牛脷惹味香口，大大块既牛脷唔会韧，反而好有口感，麻辣汁又麻又辣，牛脷又入味，好开胃，超好食！👍🏻主菜我地就再叫佐澳洲M5和牛西冷$268，和牛份量真系唔少，而且煎到岩岩熟，嫩口既牛西冷充满肉汁，加上特制酱汁食简直一流，仲有沙律菜平衡番油腻感，绝对无得弹！🤤黎到呢到再饮埋啤酒就岩岩好，超级满足！