NUTTEA (兆英商業大廈) (已結業)

今晚收工落雨又口渴，突然好想饮手摇饮品，咁啱前边就有一间，就即刻同朋友冲咗入去。呢间手摇饮品出名嘅坚果奶盖真系做得好出色所以就推介左我朋友试吓。舖头一如以往同其他分店一样都系好有特色嘅，好钟意佢墙上边一个摆到好似咖啡滴漏但系入边装住坚果嘅装饰。我朋友又系Ian fans，见到墙上有咁多佢嘅poster即刻劲兴奋咁大叫咗出嚟舖头亦都挂满左到底佢哋最出名呀同埋热卖嘅有边一款饮品。有啲真系好意想不到，好难想像到坚果奶盖会同水果茶味道会夹，所以我同朋友胆粗粗就叫咗两杯，分别系粉红莓好坚果奶盖茶，同埋芒芒坚果奶盖茶两杯奶盖真系做得好出色，坚果味好浓郁，沟草莓同埋芒果嘅味有少少唔同。讲吓两只茶底先，我个人就比较喜欢芒果茶因为佢好多果肉，同埋𠮶种芒果味唔似出边𠮶啲死甜，加埋个茶味好夹。另外我朋友𠮶杯士多啤梨味饮落就觉得有少少偏酸，不过饮落都好开胃。本身我哋谂住食饭之前饮少少嘢浪下肚，但系饮完之后发觉多几包几足料之后𠮶餐都悭咗食少咗好多嘢，总结呢两杯野真系好抵饮，建议如果肚饿嘅朋友叫咗一杯真系可以唔使食饭