牛壹台食 (已結業)

收工嚟试下呢间位于湾仔轩尼诗道嘅 - 牛壹台食，餐厅供应多款台式饭、面、小食、饮品。特浓鲜茄半筋半肉面 $76 特别钟意蕃茄汤底酸酸甜甜嘅鲜味，味道同牛肉好夹，牛肉腍滑，牛筋更加香软。古早味卤肉饭$58 卤肉酱中瘦肉同肥肉嘅比例平衡得宜, 唔会过份油腻, 猪肉油脂渗入珍珠米，啖啖油香，经典美味。麻辣鸡肾+$30鸡肾十分爽弹，配上麻辣酱料同芝麻，香麻惹味。蜂蜜绿茶 、皇牌珍珠奶茶+$8，台式饮品甜度都几高，如需要可预早要求少甜。