金鶴拉麵 (和富道) (已結業)

金鹤拉面今日黎到北角食拉面，行过见到都几吸引。入到餐厅睇下个餐牌虽然款式唔算系好多，但系相当吸引。极浓鸡白汤拉面 $138拉面好好食，个汤相当上比较啲，汤真系好好饮，拉面普遍都系猪骨汤咁，鸡汤真系比较少见，所以感觉上好新鲜同埋个汤真系好浓厚。再加上有炸牛蒡丝同埋鸡肉猪肉温泉蛋，不得了。北海道极浓蟹汤拉面 $138蟹汤同样都系比较身，呢个就冇炸牛蒡丝变左做紫菜。但系一大堆蟹肉同埋2块猪肉相当出色，同样个汤系好好饮。日式唐扬炸鸡(3件) $38呢3件炸鸡好大旧，同埋点少少盐食，真系一个好好嘅配搭。旧炸鸡系新鲜炸，入面好嫩。猫头鹰赤米啤酒(5%) $58来自日本出产嘅手工啤酒，好特别，猫头鹰系列酒精浓度唔算高，但系就有好几款可以选择下，而且餐牌上面都有介绍下唔同啤酒嘅口感同味道。呢一款就酸小小。日本馨和白啤酒(8%) $88日本馨和系列就得两款，一款系带有少少辣嘅红啤酒，而我拣嘅系带少少柚子味同麦味重啲嘅白啤酒，好好饮，如果冇揸车嘅朋友都可以去试下。总结黎讲，拉面汤底相当出色，但系相当上身啲嘅汤底会好容易出现油腻感就会好易饱，而且手工啤酒都好多选择，我地都好中意饮手工啤酒，揾日再去试多啲款先