Holly Brown (已結業)

想试佢既雪糕好耐，所以做完野就去食下开心下，原本系想食雪糕，点知见到waffle 真系忍唔住，点知就中伏。首先有个新人在场，另一个员工教紧佢点炒雪糕，我企左一阵都冇人理，我再讲唔该既时候佢眼都冇望我话：「等阵」， ok fine , 之后我问waffle使唔使等好耐，佢话一阵，我又冇谂其他就order左waffle + vanilla ice cream 既 Fruity party , 由于唔想要果d生果所以改朱古力酱+ 杏仁，唔明点解少左野仲要加$4，唔紧要比佢，收完钱（十$56+4）之后个店员叫新人响个盒入面夹2块waffle 整番热😒我心谂濑野，收我$60比翻叮野我，无奈比左钱就算，坐低等左5分钟就有，个卖相好好，之前唔开心既野即刻开心番，但开心1秒都未够，一落刀果下😰「硬。过。石。头」，点解要咁对我😭入口更加系差到爆，cream冇cream味，waffle唔香，vanilla雪糕食楼下Glacio好过（仲$45 2 个球），去问店员系咪本身块野系咁硬，佢话「好硬呀」我帮你换过份啦，唉，好啦.....第二块，软左，但都系唔够热，果刻好惨，早知去丰记买格仔饼食算😒