半島冰室

营业中

休息中

之前试过午市，好味嘅，多选择，知道开咗晚市，今日嚟试吓。晚市套餐为主，有16个选择，总有一个啱心水。每个套餐都包一碗是日例汤同埋一个白饭，另外每一台食客都会有花生做餐前小食，唔会另外收费，花生脆卜卜，好香口。当晚嘅例汤系青红萝卜汤，有质素👍🏻。叫咗三个套餐，包括「半岛干锅肥肠」🌶️，「焗芝士蟹肉西兰花🥦」，同「半岛葱油鸡」。3样都达standard 水准，但我个人唔系好食白饭🍚，喺冇饭嘅情况之下食芝士西兰花🥦，就觉得偏咸。地方比午市𠮶间舖位较为宽敞，楼底高，所以坐得都算舒服，服务员有礼貌，食得舒服。注：服务员话公众假期，一定休息。