悉尼樂園 (已結業)

朋友好钟意复古风，特登带佢嚟呢度食！朋友一去到非常满意我拣呢间餐厅～我因为唔太肚饿关系所以打算叫沙律🥗点知鸡肉沙律佢话转左烟三文鱼，由于我唔食三文鱼唯有叫咗呢度比较多人推介嘅招牌盐烧牛舌$88牛舌份量算多，但系唔系好热，牛舌口感偏硬，黑椒同牛舌系绝配好难唔好食嘅，估唔到仲有沙律🥗伴碟，不过居然一啲sauce都冇，我觉得自己好似食紧草，即刻问店员靓哥哥比啲沙律醋嚟，即刻好食好多！因为呢个牛舌系小食，所以餐饮就冇半价嘅，叫咗杯菠萝百香果梳打$48，好饮！仲有菠萝肉嘅！值得一赞💛店员服务态度好好，好讲得笑，仲帮我哋映相，撑小店唔好再理啲西客讲黄色笑话啦💛食物质素我就觉得可以一试，始终我试咗好少野，朋友叫左份扒，我就太饱冇食，但menu款式都比较少野拣，本身谂住叫甜品做生日蛋糕，最后都决定转第二间食，因为冇咩特别想食嘅，而且都差不多last order, 环境舒适，但因为open kitchen嘅关系，返到屋企啲衫仲有阵油烟味。