影片
更多
2017-09-07
104 浏览
呢间餐厅已经唔系第一次光顾，上次同同事食完，觉得返寻味，所以今次带埋屋企人一齐出嚟食。今次餐厅出边多咗一块banner ，主力推介「三味锅」，见未食过同埋写住「全港首创」，二话不说就入咗去试喇。因为上次吃了手工粥底，几条麻甩佬都食唔晒，而且今次我啲屋企人都唔系大食，所以今次选择咗「焱选套餐」。拣咗两个汤底包括：养生人参药膳锅、马来香芋沙嗲锅。原来呢个「三味锅」，即是锅有三个位置，两边加入汤底，中间有一个位置系放入新鲜嘅蚬。侍应好快就拎左个锅黎，并且将啲蚬放入中间个窿度，再倒入埋适量嘅清酒，加埋一把火枪，咁就炮制成「火焰清酒煮蚬」喇。当侍应喺清酒上喷火𠮶下，估唔到真系咁猛火同热，所以一家大细食嘅时候，要小心啲小朋友，唔好比啲小朋友黐到咁埋，避免意外发生！三两下手脚就食晒啲蚬，而我哋所拣嘅时令海鲜拼盘亦都好快到咗，我哋拣咗蛏子、带子、鲍鱼、脆鲩片、海虾。蛏子只只都好大只。拣左两款肉类：日本松板黑豚肉配小黄瓜、顶级安格斯牛颈脊手工火锅拼盘：太极蟹子海鲜军舰、别虾我、牛肝菌黑松露饺子、手打安格斯香辣牛丸、三层楼墨鱼砖。仲有大大块既响铃！同上次一样，大过手掌！一边食一边饮返杯「山楂紫背天葵」除左
今次餐厅出边多咗一块banner ，主力推介「三味锅」，见未食过同埋写住「全港首创」，二话不说就入咗去试喇。
因为上次吃了手工粥底，几条麻甩佬都食唔晒，而且今次我啲屋企人都唔系大食，所以今次选择咗「焱选套餐」。
拣咗两个汤底包括：养生人参药膳锅、马来香芋沙嗲锅。原来呢个「三味锅」，即是锅有三个位置，两边加入汤底，中间有一个位置系放入新鲜嘅蚬。
侍应好快就拎左个锅黎，并且将啲蚬放入中间个窿度，再倒入埋适量嘅清酒，加埋一把火枪，咁就炮制成「火焰清酒煮蚬」喇。
当侍应喺清酒上喷火𠮶下，估唔到真系咁猛火同热，所以一家大细食嘅时候，要小心啲小朋友，唔好比啲小朋友黐到咁埋，避免意外发生！
三两下手脚就食晒啲蚬，而我哋所拣嘅时令海鲜拼盘亦都好快到咗，我哋拣咗蛏子、带子、鲍鱼、脆鲩片、海虾。蛏子只只都好大只。
拣左两款肉类：日本松板黑豚肉配小黄瓜、顶级安格斯牛颈脊
手工火锅拼盘：太极蟹子海鲜军舰、别虾我、牛肝菌黑松露饺子、手打安格斯香辣牛丸、三层楼墨鱼砖。
仲有大大块既响铃！同上次一样，大过手掌！
一边食一边饮返杯「山楂紫背天葵」除左解渴之外，仲可以消下火。就算食咁多邪恶嘅食物，饮返呢杯降火饮品，内心都冇咁内疚！
张贴
