22
11
5
等级2
13
0
特盛米线好丰盛~
2015-07-29 386 浏览
是日去左将军澳见客，见左几次终于都倾掂数，安乐哂~~谂住系呢头食埋个lunch先过海返公司，行下行下又俾我见到一间米线铺本人系好钟意食米线的，所以见到有新野梗系拿拿声入去试左先~间野叫做米线阵，个名有d搞笑，不过anyways我系铺头出面见到有碗好大碗好大料既特盛米线几啱我口味，于是就撞入去啦~大概12点几去到，撞正食饭时间，间野都几多人，就算我一个人食都要等位好彩等左5分钟到就有位，入面环境都几开扬同阔落，店员安排我坐中间既高枱，其实佢都有d舒服d既卡位，不过全场满座，同埋我一个人食就冇乜所谓啦~一坐低望下个餐牌先，佢个餐牌设计都几young几得意，同埋都有d lunch set俾你拣，不过我一心想食头先系出面见到果碗好大碗既米线，所以都唔使谂好耐就落左单啦~先黎呢碗就系我好想试既特盛米线啦！真系好大碗，除左多料之外连个碗都大过人搞到我自己一个女仔好似食好多咁，有d唔好意思添碗米线系可以自选汤底架，可以拣清汤、番茄、麻辣、酸辣，两种辣汤都可以好似谭X、X哥咁自选辣度，不过我今日唔想食辣所以就叫左个番茄汤底，呢个系出面d米线铺都少见，所以都想试下。落左单一阵就有野食，都几快手~先试左个
更多
是日去左将军澳见客，见左几次终于都倾掂数，安乐哂~~谂住系呢头食埋个lunch先过海返公司，行下行下又俾我见到一间米线铺
本人系好钟意食米线的，所以见到有新野梗系拿拿声入去试左先~间野叫做米线阵，个名有d搞笑，不过anyways我系铺头出面见到有碗好大碗好大料既特盛米线几啱我口味，于是就撞入去啦~大概12点几去到，撞正食饭时间，间野都几多人，就算我一个人食都要等位
好彩等左5分钟到就有位，入面环境都几开扬同阔落，店员安排我坐中间既高枱，其实佢都有d舒服d既卡位，不过全场满座，同埋我一个人食就冇乜所谓啦~一坐低望下个餐牌先，佢个餐牌设计都几young几得意，同埋都有d lunch set俾你拣，不过我一心想食头先系出面见到果碗好大碗既米线，所以都唔使谂好耐就落左单啦~
特盛米线
$53
82 浏览
1 赞好
0 留言
 先黎呢碗就系我好想试既特盛米线啦！真系好大碗，除左多料之外连个碗都大过人
搞到我自己一个女仔好似食好多咁，有d唔好意思添
碗米线系可以自选汤底架，可以拣清汤、番茄、麻辣、酸辣，两种辣汤都可以好似谭X、X哥咁自选辣度，不过我今日唔想食辣所以就叫左个番茄汤底，呢个系出面d米线铺都少见，所以都想试下。落左单一阵就有野食，都几快手~先试左个汤底先，好甜
我最钟意食甜野既，所以呢个番茄汤底好啱我胃口，我谂好多女仔都会钟意~跟住就有一大堆𩠌：鱼腐、猪软骨、鸡翼、牛肉、菇菌同一堆芽菜、腐皮等等，真系超大碗超足料
我个人最钟意食鱼腐同猪软骨，鱼腐弹牙爽口，猪软骨甜甜地几入味，其他𩠌料就一般啦，冇乜特别，而米线呢我觉得腍度啱啱好，同埋份量真系好多，我食唔哂
梨山排骨
$28
59 浏览
0 赞好
0 留言
 我系咪好大食
我叫左碗劲大碗既米线另外仲叫左个梨山排骨食，因为我睇到menu上面张相好似好吸引咁，同埋呢个小食我真系听都未听过，所以就叫左个黎试下啦~佢个份量唔算话好多，算系一个几精致既小食，但个梨山酱真系几好味~酸酸甜甜咁好特别，我钟意~排骨唔会好肥好油，好味
菠萝提子特饮
$15
44 浏览
0 赞好
0 留言
 叫完野食既时候个姐姐多口问我要唔要野饮，咁我又有啲热于是就叫左杯菠萝提子特饮 (有加配价呀$15)~就系一杯几解渴既提子梳打加d菠萝，冇乜特别
Total3样野食左$96，价钱唔算平，但食左咁多野同个食物质素都几好我觉得值
同埋佢又唔会好似谭X咁坐得劲迫，呢样系我最钟意既，值得一试！
题外话/补充资料： 原来呢间米线阵都有成6间分店，其中一间上环分店系我公司附近，下次要再去试下先~
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
用餐日期
2015-07-22
等候时间
5 分钟 (堂食)
人均消费
$96 (午餐)
推介美食
特盛米线
$ 53
梨山排骨
$ 28
菠萝提子特饮
$ 15