串點 (已結業)

我好钟意食串烧，年头佢哋新开之后每次经过我都会心思思想食，又见有咁多好评就一于试吓😁小店细细间走露营风，用嘅都系露营枱櫈、餐具，枱面仲有一盏露营灯好有feel ，依家天气热去唔到Camping，夜晚同朋友嚟倾吓计食吓串烧都几顶瘾！前菜～龙虾沙律 $48跟青瓜、紫菜夹埋一齐食，多重口感味道唔错几开胃。主食～厚切餐肉蛋麻辣捞一丁 $58去露营就硬系唔少得食餐蛋公仔面🍜作主食，餐肉煎得超香脆，丁面辣度都几劲，整体偏重口味！烧物就拣咗以下几款，睇返先发现原来全部都系鸡🐔😆最正脆骨鸡肉丸子，鸡肉好松软，中间有啲鸡软骨粒粒，口感超正！每款烧物味道都唔同，各有特色都好味😋沙嗲咖喱鸡肉串冬阴功鸡肉串脆骨鸡肉丸子辣味炸鸡鸡软骨照烧鱿鱼筒 $88呢度厨房系半开放式，有两个吧枱位，可以睇住师傅仔整串烧， 我哋就选择咗坐露营枱櫈，唔使睇都闻到烧鱿鱼嘅香味，照烧汁微甜惹味，鱿鱼烧得刚刚好唔会韧。