燒烤堂 (已結業)

见到呢间铺头细细地门口装修几得意好有日本风味就入去试一试。里面装修都朴素，环境都舒适。坐低就叫咗个冻蕃茄开下胃先，蕃茄好新鲜，冻冰冰啱晒夏天食。见到有个烧鱼翅，觉得几得意所以就叫左黎试吓，烧得好香口，食落去个感觉同街边嘅烧鱿鱼口感差唔多，但系佢带一点点鱼翅味。呢个烧茄子又几好味，上面有啲蒜蓉有啲葱花令到成个茄子好香口，你仲烧得个皮唔会好㶶，所以连皮食都冇问题。鸡软骨串，我自己就最钟意食鸡软骨，呢间啲鸡软骨都烧得唔差。盐烧鸡翼串，鸡翼果皮烧得好脆，但里面又唔会太㶶，另外鸡翼都几入味，可以叫多一两串黎食。食咗咁多肉就梗系要叫返一两个烧蔬菜你食啦，呢个系烧翠玉瓜，佢烧到表面有少少㶶㶶地好香口，味道亦都唔错唔会淡而无味。烧鸡皮，笑得好脆，但略嫌有少少淡。盐烧尖椒，尖椒唔会好辣辣，有少少辣味。烧冬菇，味道唔错，冬菇几时鲜甜，再配埋啲木鱼丝一流。安格斯一口牛，呢个牛烧得唔会太耐，肉质嫩滑，再加埋黑椒去烧味道不错。 京葱鸡肉串，个酱汁几惹味，京葱烧到㶶㶶地好香，鸡肉嫩滑。