滿江紅小甜甜 (已結業)

行完铜锣湾，但又想食中菜，就谂到来呢间小甜甜。食过旺角分店，湾仔相对地无咁多人，起码唔洗等位。坐低，叫左个奇味鸡煲，炸馒头，蒜香鸡翼，炒土豆丝，同豉椒炒蚬。奇味鸡煲有少少失望，因为个味就唔太惹味，辣又唔够，味又唔够，所以失色左。炸馒头就抵食，好多个，亦好味。蒜香鸡翼香口，不过不失。炒土豆丝反而有惊喜，因为平时好少食到，亦唔会自己整，爽口得来又够味，不错！炒蚬就劲辣，同有啲沙，镬气都唔够大排挡来。整体好食，不过下次要拣过啲更好味既！