飲茶 (已結業)

呢个年代都系相机先食，有一次同朋友上网见到呢间包点整得好精致，所以就决定一试影相打卡。呢间Yum Cha有几间分店，我地拣左尖沙咀分店，地点都唔难揾，一入去就见到好多人食紧野，见到几乎每张枱都会点一笼可爱包包，望到都好兴奋...前菜叫左鸡丝拉皮，冰凉嘅粉皮质感又够滑，都几好食！三杯醉鸡，酒香味浓，最重要系冇骨，抵赞，值得一试！七彩茄子调味得几香，凉菜黎讲就系稍为多左少少油。睇住奶流，呢笼包系重头戏，点心师傅将佢地个样整得好可爱，未食已经大饱眼福，咬佢一啖真系流心嘅，好食，如果咸蛋味再重啲就好啦。主菜叫左一碟炒贵刁，比起凉菜点心，呢个炒面比较逊色。加埋茶位两个人食左二百几，价钱唔会好贵，下次可以再过黎一试其他包点菜式。