西貢德興麵家 (已結業)

琴晚煲海贼王、Jo Jo 奇妙冒险到四点半，但 09：30 要上船喇！一落车见有位，急急倒个面餐落肚先！依间即食面餐好多新奇野㖞，试你个太阳蛋肥牛肠仔出前一丁先！坐得唔系太舒服，方形木枱好窄，顶手顶脚。太阳蛋肥牛肠仔出前一丁，蛋同肠系另上㖞。𪠳，出前一丁煮之前冲过水啦，放系室温度会慢慢变腍，煮既时候会快少少啰！依家食落唔系太腍，但好粉口，溶溶地既感觉唔多好，完全无明火煮既味道！好似泡面落滚水落味粉捞均上枱，煮都唔洗煮。肥牛一般货色，肠蛋大路，问题不大，不过不失。都系落辣椒油救命，味道几咸呢，辣就唔辣！