老鍋台式火鍋 (京都廣場) (已結業)

周润发都嚟嘅火锅店？喺门口见到应该系老板同周润发影嘅合照，可惜今次打边炉见唔到周润发😜疫情过后，当然要大班朋友聚下，今次我哋拣咗喺铜锣湾嘅台式火锅，环境好靓，天花全部都系天灯做灯饰，地方都阔落，几好坐。打边炉来来去去啲嘢食其实都差唔多，我最欣赏呢一间嘅汤底。老锅秘制麻辣锅同埋老饕酸菜白肉锅麻辣锅，好有台湾嘅风味，汤底有啲豆腐喺度，啲麻辣火锅越煮越入味，越煮越辣，够晒刺激。酸菜白肉锅，汤底酸酸地，开胃又醒胃，平时食开酸菜鱼火锅，今次是酸菜白肉锅，啱晒啲唔钟意食鱼，怕有鱼腥味嘅朋友。本人🙌🏻必食推介咸蛋炸鱼皮上枱嘅时候，热辣辣，啱啱炸起，咸蛋又够多，啲鱼皮好新鲜，脆卜卜，送酒一流。