臺北棧 (荷李活道) (已結業)

呢间餐厅系我朋友介绍叫我同佢一齐去嘅，佢介绍得应该都唔差。去到餐厅感觉有点去咗酒吧嘅感觉，感觉几特别。座位唔多，我哋都系坐咗喺吧枱。芥末云耳淮山呢个前菜味道好特别，佢系用淮山云耳整嘅，好爽口而且酸甜辣度都刚刚好，作为前菜非常好食开胃。手作芋泥牛乳冰啲芋泥系螺旋形咁同啲牛乳沙冰混埋一齐，卖相非常好，而且味道出色，甜度刚好，我最后都食到芋泥同沙冰嘅混合，好有口感而且唔会太腻。冬阴公龙虾牛油果蛋饼呢个系我哋叫咗嘅主食，外面系有蛋饼加冬阴功汁喺面而里面系一啲新鲜嘅龙虾肉同埋牛油果整嘅，佢哋嘅味道出奇地夹而且加埋一啲沙律酱好开胃，味道一流。Oreo伯爵茶奶奶麻薯 我朋友就系因为好想试呢一个麻薯所以特登打电话去订定先，果然不出所料食落口感非常特别，脆脆既Oreo碎饼再加上麻薯既烟韧滑溜，味道超夹而且好有口感，好有台湾风味，用呢个做甜品简直系最完美嘅句号。