Coti (沙咀道)

营业中

休息中

周末喺荃湾嘅闹市想揾个静静地嘅Cafe食个lunch叹杯咖啡，见到呢度啲咖啡几吸引就去试下，由愉景新城行过去大概10分钟，由于呢间Cafe 位于荃湾嘅工厦区，周末嘅中午反而比较少人。午餐$74-$88 一份已包一杯咖啡或茶类饮品，价钱算实惠，见signature coffee 好多款都吸引，决定加$24转咗焦糖布甸咖啡同天然蜂巢咖啡。两款特色咖啡都唔错，焦糖布甸咖啡饮落有双重嘅口感，甜度适中；蜂巢咖啡卖相靓，打卡一流，饮一啖原味再加蜜糖搅拌可以品尝到两种味道嘅咖啡。两款食物即叫即煮热辣辣，忌廉汁烟三文鱼意粉嘅烟三文鱼份量算多，意粉软硬适中，酱汁浓稠，调味刚好。红酒炖牛肉甜甜地有D似韩式燘牛仔骨嘅味道，肉质够晒淋同入味。一边食见到有好多熟客嚟帮衬，同店员有讲有笑，相信呢间Cafe 都系呢头返工嘅人嘅热门选择。