木屋大排檔

营业中

休息中

今日约咗朋友去大埔食饭，佢介绍一间屋大排档，起初以为真系一间大排档，点知去到门面都唔错，系一间装修得几好嘅餐厅，坐低之后就点咗个二人套餐，同埋各自点咗一杯有cream嘅奶茶，个套餐之中就点咗combo 配青木瓜沙律，黄咖哩花甲配蒜蓉包，和鲜虾炒金边粉；首先嚟咗两杯奶茶，个杯好有特色，系骷髅头杯，饮落啲cream再加埋啲奶茶系相当香滑，亦都冇苦涩味又加上好香嘅茶味，都好好味；跟住嚟个黄花甲配蒜蓉包，啲蒜蓉包仲暖嘅，同埋浸落啲黄咖哩度食，简直就系绝配；个combo加青木瓜沙律有惊喜，原来上面有四款小食包括春卷，蔗虾，虾饼同埋一个炸嘅小食，青木瓜十分清新，而啲蔗虾同埋春卷都相当美味；最后个鲜虾炒金边粉，啲虾都好新鲜，金边粉亦都炒得好有镬气；朋友介绍呢间木屋大排档真系唔错！