影片
更多
2018-12-11
130 浏览
黄金尖椒皮蛋 $48皮蛋我就食得多，呢只黄金皮蛋我都系第一次食！本身好似啫哩个part蛋白变左透明黄金色，食落更加弹牙，加上带点微辣，惹味又开胃嘅一道前菜～无味精老火炖汤 $68老板推介叫我地试下今日个松茸炖汤，嗌咗之后觉得果然冇介绍错～入面好足料，猪肉同松茸都系可以食返嘅，至于啖汤就非常香淳，有屋企啖汤嘅感觉呀！招牌黄金脆皮九肚鱼 $88九肚鱼系呢度嘅招牌，当然要试下佢有咩过人之处，虽然我本身觉得九肚鱼点都好食，但呢碟九肚鱼就畀到我不一样的感觉。以往见到嘅系一条条，而佢系一片片，外皮望落十分之松脆，食落都系一样，入面嘅鱼肉带点可以食埋嘅骨所以口感几丰富，鱼肉都好好味！豉椒炒大花甲圣子 $188想食炒海鲜但人又少嘅时候，仲可以两沟食多啲款，花甲同圣子都好鲜甜，炒香嘅圣子啖啖肉劲正。不过收费就当然跟贵价海鲜个价，抵唔抵就睇个人啦。榄菜肉松四季豆 $88咸香带点辣味嘅炒四季豆系超好送饭。整体黎讲小菜嘅款式同味道都令人有惊喜，而且份量都好岩两个人食到。老板亦好好客，落单时有讲有笑，睇黎我地会bookmark呢间做饭堂啦～
皮蛋我就食得多，呢只黄金皮蛋我都系第一次食！
本身好似啫哩个part蛋白变左透明黄金色，食落更加弹牙，加上带点微辣，惹味又开胃嘅一道前菜～
无味精老火炖汤 $68
老板推介叫我地试下今日个松茸炖汤，嗌咗之后觉得果然冇介绍错～入面好足料，猪肉同松茸都系可以食返嘅，至于啖汤就非常香淳，有屋企啖汤嘅感觉呀！
招牌黄金脆皮九肚鱼 $88
九肚鱼系呢度嘅招牌，当然要试下佢有咩过人之处，虽然我本身觉得九肚鱼点都好食，但呢碟九肚鱼就畀到我不一样的感觉。以往见到嘅系一条条，而佢系一片片，外皮望落十分之松脆，食落都系一样，入面嘅鱼肉带点可以食埋嘅骨所以口感几丰富，鱼肉都好好味！
豉椒炒大花甲圣子 $188
想食炒海鲜但人又少嘅时候，仲可以两沟食多啲款，花甲同圣子都好鲜甜，炒香嘅圣子啖啖肉劲正。不过收费就当然跟贵价海鲜个价，抵唔抵就睇个人啦。
榄菜肉松四季豆 $88
咸香带点辣味嘅炒四季豆系超好送饭。
整体黎讲小菜嘅款式同味道都令人有惊喜，而且份量都好岩两个人食到。老板亦好好客，落单时有讲有笑，睇黎我地会bookmark呢间做饭堂啦～
张贴
