MONMONO (已結業)

听朋友介绍，就即刻嗱嗱临book左同老公 今个lunch 试吓先！😬 最钟意小食lunch set劲多嘢拣，超爽呀！😳🔆蕃茄汤。yeah ! 好好饮！酸酸甜甜，清新开胃，非常突出到蕃茄嘅鲜味！大堆🔥一嚟个汤就已经咁高质，都想像唔到后面嘅主菜有几咁好食🌈🔆. 红菜头 •松子仁 •羽衣甘蓝沙律！喂！ 咁新鲜嘅！我超钟意食红菜头同羽衣甘蓝！之前喺其他餐厅食会有阵味，今次呢间餐厅整得好好！红菜头同羽衣甘蓝都有着清新嘅感觉！除咗红菜头同羽衣甘蓝，再配埋松子仁🌲，食落爽爽脆脆，口感好丰富，有咬口！😝🔆 肉酱千层面配沙律🐾呢个超好食，食落果然有惊喜，令人惊艳！😄千层面软林林，焗得好好，肉酱仲系好鲜嫩浓郁，，同充满肉汁💦！焗肉酱千层面，其实唔容易，厨师真系功力十足！😉🔆 韩式泡菜烤肉汁烤猪肋骨。烤猪肋骨，极高质素，肉质唔鞋，又唔靭，啱晒啦！猪肋骨咬落去，筋同油脂分布平均！啖啖滋味，令人难忘🩷