影片
更多
2024-03-21
326 浏览
香港系一个多元社会，有好多少数族裔群体会系香港落地生根。油尖旺一带有唔少东南亚菜餐厅，好似佐敦庙街就有一间🇳🇵尼泊尔菜餐厅The Jungle，环境比较型格昏暗，行森林风酒吧路线🌲餐厅供应唔少地道尼泊尔菜式，有部份同大家较熟悉嘅印度菜有唔少相似之处，亦都以不同香料为主，如果想尝尝鲜，认识多啲尼泊尔菜特色嘅话都可以试试🤪🤪另外仲有唔少西式意粉、薄饼、肉类，如果想食返啲大路菜式都可以叫。🧀Jalapeno Cheese Rolls 墨西哥辣椒奶酪卷一条条芝士包裹金黄香脆嘅酥皮，酱汁系墨西哥辣椒酱，酸酸辣辣好惹味😙🥟Jungle International Platter 森林国际拼盘云集尼泊尔特色小食以及其他大路小食。尼泊尔菜最出名要数Momo饺子🥟饺子皮相对港式饺子较烟韧软糯，馅料系洋葱猪肉馅，一咬开即爆汁，好juicy💦味道清清地，食到洋葱清甜味，可以点少少香辣嘅酱汁增添层次😋鸡翼就好似脆香鸡翼咁香口。墨西哥taco有酸忌廉、牛油果酱等，味道好丰富。香辣鸡肉就比较重酸酸地嘅香料味，几有特色不过唔系食得好惯😂🍛Kirat Traditional Set 传统尼泊尔米饭拼盘另一款充满尼泊尔
🧀Jalapeno Cheese Rolls 墨西哥辣椒奶酪卷
一条条芝士包裹金黄香脆嘅酥皮，酱汁系墨西哥辣椒酱，酸酸辣辣好惹味😙
🥟Jungle International Platter 森林国际拼盘
云集尼泊尔特色小食以及其他大路小食。尼泊尔菜最出名要数Momo饺子🥟饺子皮相对港式饺子较烟韧软糯，馅料系洋葱猪肉馅，一咬开即爆汁，好juicy💦味道清清地，食到洋葱清甜味，可以点少少香辣嘅酱汁增添层次😋鸡翼就好似脆香鸡翼咁香口。墨西哥taco有酸忌廉、牛油果酱等，味道好丰富。香辣鸡肉就比较重酸酸地嘅香料味，几有特色不过唔系食得好惯😂
🍛Kirat Traditional Set 传统尼泊尔米饭拼盘
另一款充满尼泊尔地道特色嘅主食，用荷叶呈上好有特色。有孜然黄姜饭、腌猪肉、发酵黄豆、血肠、尼泊尔酱、水牛肉干等。猪肉够哂肥🤪层层相间，加上青菜味道都几好。水牛肉干就好有嚼劲，好似美国𠮶啲jerky零食咁。血肠平时比较少见，带少许酸味，冇乜内脏味又唔错😙😙如果食唔惯啲配料，加埋酸酸辣辣好刺激嘅辣酱食就啱晒😛😛
🧆Bhutuwa 炒猪杂
另一款地道菜式，睇嚟尼泊尔人都几钟意食肥猪肉，呢个猪肉炒到将脂肪位嘅油份逼咗出嚟，食落比较烟韧，外面包裹满满嘅香料，带点孜然粉香味，另外仲有猪大肠，如果钟意内脏嘅人可以试下😗
🌹Kheer 尼泊尔米布丁
不论印度抑或尼泊尔人都钟意系节庆日子食嘅甜品🎉用牛奶将米饭烩到十分软糯，口感黏黏地，充满牛奶香甜味🍼仲带点荳蔻同玫瑰香气，估唔到用饭嚟做甜品都唔错😚
🍹Tropical Smoothie、Healthy Yak
饮品有唔少酒类、mocktail、cocktail等选择，黄色个杯特饮混合菠萝、芒果、热情果，酸甜清新；蓝色个杯就有蓝莓、益力多、姜啤等，有轻微嘅药水味。
人均消费：$300
推介指数（10分为满分）：7.5分
张贴
