関東酒場 (已結業)

平时日式韩式放题食得多，今次嚟呢间有得饮酒放题嘅居酒屋真系未试过！平时我都好钟意食酒，但系一两个人去食饭饮唔晒，好难开到好多支，嚟関东酒场就可以！每支想试一杯又得，觉得好饮再叫又得，有清酒梅酒果酒，而且好贴心清酒想饮暖都可以座暖佢。钟意饮暖身可以嗌较辛口嘅清酒，譬如东京盛～而甘口少少嘅今次试咗作同宗政等，都比较易入口啱新手饮😋因为仲有好多好好味嘅果酒柚子酒，带埋朋友一齐去饮个够啦！食物方面，好多烧物都好好食，而且种类都多，如果嗌一个酒放题嘅餐，仲包佐酒嘅小食，小编嗌咗鱿鱼同埋牛筋牛肚，送酒一流！如果都唔够饱，仲可以加多春鱼、大茄子、𩽾𩾌鱼肝等～其他炸物例如酥炸墨鱼嘴、手羽等都好香脆惹味，绝对可以饮饱食醉😍烧物炸物唔会太干身，仲可以锁住鸡嘅肉汁。整体调味恰到好处，唔会怕太咸。