影片
更多
2018-05-10
1150 浏览
又黎到西环揾食，之前食过附近几间台湾、星马菜都觉得不俗，但今次就想试下新野，见到当眼处就有一间食川菜。一碗小面成功吸引左我呢个超钟意食面嘅人虽然话系食川菜，但个样系cafe环境，都几违和，不过都坐得舒服嘅～墙上就写晒啲特色推介，但其实餐牌上仲有好多选择～凉拌青瓜 $26比想像中大碟好多，好抵食！青瓜爽脆，仲有酸辣酱汁，餐前食岩晒～面面俱到 $68除咗有重口味嘅𩠌（猪手 牛腩 大肠 炸酱）之外，仲特别配左豌豆，可以试到川菜嘅特色，我都系第一次食豌豆配面，捞埋一齐食有两种口感，而且系超级饱肚，其他𩠌都卤得好入味，最钟意牛腩够晒腍，同埋有种家的味道，食完平实又满足。大肠 清洁得好干净而且唔算太肥猪手 同样系清洁干净冇乜毛 好多骨胶原～牛腩 有少少牛筋 两种都好食面条就系一般担担面嘅幼细面条凉拌炸酱豆花米线 $48朋友就试咗另外一个比较清新嘅配搭，豆腐配面我都系第一次食，不过就一试难忘！唔好睇佢捞完咁核突，但其实系好好味㗎！每一啖米线都混合左淡淡的豆腐味，加埋啲炸酱啱啱好，Fresh得来又唔会太淡。黑糖冰粉 $28最后食埋个甜品就完美喇，黑糖冰粉有啲似凉粉，但就比凉粉更加滑，本身冇乜味，购买黑
一碗小面成功吸引左我呢个超钟意食面嘅人
虽然话系食川菜，但个样系cafe环境，都几违和，不过都坐得舒服嘅～
墙上就写晒啲特色推介，但其实餐牌上仲有好多选择～
凉拌青瓜 $26
比想像中大碟好多，好抵食！青瓜爽脆，仲有酸辣酱汁，餐前食岩晒～
面面俱到 $68
除咗有重口味嘅𩠌（猪手 牛腩 大肠 炸酱）之外，仲特别配左豌豆，可以试到川菜嘅特色，我都系第一次食豌豆配面，捞埋一齐食有两种口感，而且系超级饱肚，其他𩠌都卤得好入味，最钟意牛腩够晒腍，同埋有种家的味道，食完平实又满足。
大肠 清洁得好干净而且唔算太肥
猪手 同样系清洁干净冇乜毛 好多骨胶原～
牛腩 有少少牛筋 两种都好食
面条就系一般担担面嘅幼细面条
凉拌炸酱豆花米线 $48
朋友就试咗另外一个比较清新嘅配搭，豆腐配面我都系第一次食，不过就一试难忘！
唔好睇佢捞完咁核突，但其实系好好味㗎！每一啖米线都混合左淡淡的豆腐味，加埋啲炸酱啱啱好，Fresh得来又唔会太淡。
黑糖冰粉 $28
最后食埋个甜品就完美喇，黑糖冰粉有啲似凉粉，但就比凉粉更加滑，本身冇乜味，购买黑糖水就好好味～
张贴
