影片
更多
2023-12-28
1000 浏览
🔸Braza Churrascaria Brazilian Steakhouse🔸🔆🐭🦁最近完成一件大事，決定要好好慰勞自己！比我搵到依家咁有特色的巴西Brunch Buffet，食肉獸🦁先生都期待已久！依到weekend brunch buffet就$318+10% 一位，飲品就唔包嘅。🔆入到餐廳第一樣入眼嘅就係一張長枱，放滿左唔同類型嘅沙律，冷盤，熟食，生果！熟食總類雖然唔算係好多，都係啲炒蛋，焗迷你薯仔咁，但熱辣辣，好好食同暖胃！而佢嘅沙律同冷盤嘅款式就非常多，淨係沙律都有大約7-8款，有簡單嘅薯仔沙律，有特別的茄子沙律，魷魚沙律，通粉沙律等等，唔中意佢撈好嘅，自己夾沙律菜自己配搭醬汁又得！冷盤方面有青口，吞拿魚漬，煙三文魚，cold cut等等。淨係前菜的款式已經令你花多眼亂，全部都好新鮮，味道都好唔錯，忍唔住食完一碟又一碟！真係好想講，未開始食佢啲巴西燒肉，已經開始飽！(🦁:點搞呀，都未正式開始)🔆大概過左15分鐘到，就開始見到嘅待應拎住一串串好大舊嘅肉呀，腸呀出黎，問每一枱要唔要食，咁佢地就會即場切比你。肉類嘅款式好在乎於佢地餐廳個日有咩供應，我地個日就有食到牛西冷，豬腩肉
🔆🐭🦁最近完成一件大事，決定要好好慰勞自己！比我搵到依家咁有特色的巴西Brunch Buffet，食肉獸🦁先生都期待已久！依到weekend brunch buffet就$318+10% 一位，飲品就唔包嘅。
🔆入到餐廳第一樣入眼嘅就係一張長枱，放滿左唔同類型嘅沙律，冷盤，熟食，生果！熟食總類雖然唔算係好多，都係啲炒蛋，焗迷你薯仔咁，但熱辣辣，好好食同暖胃！而佢嘅沙律同冷盤嘅款式就非常多，淨係沙律都有大約7-8款，有簡單嘅薯仔沙律，有特別的茄子沙律，魷魚沙律，通粉沙律等等，唔中意佢撈好嘅，自己夾沙律菜自己配搭醬汁又得！冷盤方面有青口，吞拿魚漬，煙三文魚，cold cut等等。淨係前菜的款式已經令你花多眼亂，全部都好新鮮，味道都好唔錯，忍唔住食完一碟又一碟！真係好想講，未開始食佢啲巴西燒肉，已經開始飽！(🦁:點搞呀，都未正式開始)
🔆大概過左15分鐘到，就開始見到嘅待應拎住一串串好大舊嘅肉呀，腸呀出黎，問每一枱要唔要食，咁佢地就會即場切比你。肉類嘅款式好在乎於佢地餐廳個日有咩供應，我地個日就有食到牛西冷，豬腩肉，羊架，雞翼，豬助骨，豬肉腸。你唔洗擔心佢地只會走一轉，依幾款肉會不停輪住咁出黎，黎到你眼前問你食唔食😂。肉嘅味道都唔錯，而且佢地嘅燒法都唔會燒到無哂肉汁，不過肉嘅味道比較鹹。同埋牛肉同羊肉會比較生，我地唔係太習慣，但有需要係可以要求佢比啲熟啲嘅位置你地。而我地都一致覺得豬助骨最出色，外皮燒到香香脆脆，醬汁有啲煙燻味，而且幾多肉。好食！
🔆可能會有人擔心佢地係咁走埋黎，會唔會好煩/好disturbing。但其實佢枱面有個牌仔，一面寫住No more Thank you，另一面就寫住I am still hungry。佢地見到你個I am still hungry先會走過黎問你食唔食佢手上嘅肉，所以唔洗擔心！
🔆當食到七七八八個陣，🐭小姐已開始佢個甜品胃，食佢嘅生果同甜品，嘩！每種生果都超甜同多汁，但又唔係浸過糖水喎!蛋糕仔同donut就一般啦，都係志在食下甜品，黎個完美結局😂😂！
🔆Avocado Lime Smoothie $78
飲品味道好特別，有牛油果的濃厚感，又帶有青檸嘅酸味，好醒神同清新~
🔆Overall都覺得值得去食下，因為真係好有特色，見到待應拎住啲肉行黎行好嘅體驗好特別，而且味道都唔錯，餐廳都幾有氣氛，待應都好熱情，成日好怕你唔夠食咁😂，不過所有待應都只會講英文，大家可以留意番~同埋，唔好食記得唔好好似我咁食前菜食到飽哂呀！！！
🔆Pleasure指數（滿分5粒🤩）
🐭小姐：🤩🤩🤩🤩
🦁先生：🤩🤩🤩+0.5
📌地址：中環蘭桂坊15-16號協興大廈3樓
🎐Foods are powerful🎐
#Pleasure食
#Pleasure中環
#Pleasurer
#hkfoodie #foodie #hkfood #hkeat #food #foodstagram #hongkongfood #central #centralfood #centralbrunch #weekendbrunch #buffet #中環 #中環美食 #中環brunch #中環餐廳 #早午自助餐 #自助餐 #巴西菜 #巴西燒肉 #燒肉 #中環美食推介 #朋友聚會 #brazachurrascariabraziliansteakhouse @brazachurrascariahk
沙律bar
96 浏览
1 赞好
0 留言
甜品bar
61 浏览
1 赞好
0 留言
张贴
