皇后飯店 (已結業)

从来都觉得呢间餐厅好有特色，好高级，由细到大，啱啱出黎揾钱个阵都唔敢去食，而家做左咁多年野，终于试得到，但其实又唔算好很贵，系值得一试再试🤣menu黎讲，唔算多野拣，但足以令有选择困难症嘅我犹豫左好耐，（有限时架）最后试左个我喺俄罗斯未见过嘅炸肉卷。我觉得好值得试一次。第一，切出黎爆（牛？）油个下好正，第二，其实味道系唔错架，不过我本人唔食得太多油，胃口又唔大，食到一半已经觉得饱，可能全旧都系肉。钟意啖啖肉嘅朋友认真要叫。第三，应该系俄罗斯名物，叫黎打卡，当去左旅行都好呀！第四，摆明系功夫菜，除非唔系？！另外，食西餐，都必定叫嘅牛扒，煮得刚好，肉味又啱啱好，唔会苏，肉质都好嫩好正，最惊喜系个粟米，超甜，必清！！围观四周，有3枱都系单人（男子）自己黎食，叫杯红酒，劲chill! 唔知几时先到我可以咁chill.话说食完之后嘅一个月，我就同左其他人再食，可惜冇影相。最印象深刻嘅系叫左我上次食唔到嘅蟹盖，仲有青口，两样都系十分推介！