沙田友．丸記清湯腩王

营业中

休息中

之前去石门上堂都会同朋友去沙田友食晚餐，特别钟意佢哋个焗猪扒饭，好大碟，热辣辣又多汁。原来佢哋早前装修，依间Vintage「香港制造」的2000呎打卡玩味冰室😄 有齐60年代至今最简单但系最用心制作嘅各款港式食品！仲有打卡位！今次转盛带埋妈妈同阿姨一齐怀旧下。店舖装潢以「麻雀板」绿色为主，枱面设计仿麻雀板写上「东、南、西、北」，墙上满布怀旧风插画+ 新派霓红灯，卡位还有彷屯马线的车厢装饰坐位，无一不突显冰室的本地情怀。 我哋叫咗咖哩羊腩饭同埋羊腩煲。咖哩汁偏甜，唔惯食辣的朋友都可以试。羊腩煲好足料，羊腩够入味又软焾，仲有支竹，马蹄，生菜同埋笋作配料。另外叫咗鸳鸯西多士同埋酥皮蛋挞。西多士上面有炼奶同朱古力酱，加埋中间的花生酱，真系又好味又邪恶。可惜酥皮蛋挞唔够热，下次一定要试斑斓挞，每日只售100只，先到先得，大家唔好错过。