影片
更多
2022-07-29
658 浏览
星期六想食中菜，行到去水街附近谂起隔离有间酒楼，就决定喺度食个晚餐🥢。原来餐厅名叫「食神丽宫」，好盏鬼㖞。呢度环境正正常常啦，一般酒楼格局，灯光都算几明亮。另一边厢，店员们态度友善，并主动关心客人需要，例如及时送上湿纸巾，抵赞👍。餐厅原来大有来头，👨🏻🍳由戴龙师傅主理策划，佢系边个？咪就系周星驰电影食神嘅原型啰🎬，佢更系香港四大名厨之一。餐厅菜式选择繁多，实在令人眼花撩乱，而定价就属中等水平啦。原只龙虾炒乳酪($268)，餐厅门口有几个鱼缸，嗌龙虾的话，姐姐就会即刻捉一只入厨房畀厨师整。🦞波士顿龙虾几大只，但肉始终唔多，幸好肉质爽弹。菜式名称所谓嘅炒乳酪同想像中有啲出入，因为我觉得似炒蛋白多啲🙈，不过都OK嘅，而且入面都加咗虾肉。戏棚粥($68)，呢个即系潮州粥🥣，估唔到一人份都几大碗，可以当主食。潮州粥其实似泡饭多啲，汤底系龙虾汤，饮落鲜甜又惹味😋，最紧要系热辣辣。同时，泡粥仲好足料，例如有大量鱼片同鱿鱼等；而伴旁嘅油炸鬼粒粒则脆卜卜。酱皇煎牛柳($118)，煎牛柳有成六大件🥩，质感都算嫩。调味方面好新颖，有啲似日式麻酱沟菠萝汁，味道酸酸哋。除咗牛柳之外，伴菜仲有西兰花、洋葱同菠萝
星期六想食中菜，行到去水街附近谂起隔离有间酒楼，就决定喺度食个晚餐🥢。原来餐厅名叫「食神丽宫」，好盏鬼㖞。
呢度环境正正常常啦，一般酒楼格局，灯光都算几明亮。另一边厢，店员们态度友善，并主动关心客人需要，例如及时送上湿纸巾，抵赞👍。
餐厅原来大有来头，👨🏻🍳由戴龙师傅主理策划，佢系边个？咪就系周星驰电影食神嘅原型啰🎬，佢更系香港四大名厨之一。餐厅菜式选择繁多，实在令人眼花撩乱，而定价就属中等水平啦。
原只龙虾炒乳酪($268)，餐厅门口有几个鱼缸，嗌龙虾的话，姐姐就会即刻捉一只入厨房畀厨师整。🦞波士顿龙虾几大只，但肉始终唔多，幸好肉质爽弹。菜式名称所谓嘅炒乳酪同想像中有啲出入，因为我觉得似炒蛋白多啲🙈，不过都OK嘅，而且入面都加咗虾肉。
戏棚粥
$68
28 浏览
0 赞好
0 留言
酱皇煎牛柳($118)，煎牛柳有成六大件🥩，质感都算嫩。调味方面好新颖，有啲似日式麻酱沟菠萝汁，味道酸酸哋。除咗牛柳之外，伴菜仲有西兰花、洋葱同菠萝粒🍍。
浓汤鸡煲花胶($78)，🐔鸡汤热辣辣送上，味道恰到好处，唔会太咸或落咗味精，亦难得唔油；汤入面有大大件花胶同鸡丝。
特酱烧乳鸽
$38
16 浏览
0 赞好
0 留言
食到尾声，店员仲为我哋送上甜品作结😊。一人一碗绿豆沙甜度适中，亦煮得够绵。
总括嚟讲，呢间中菜厅几有自家特色，提供唔少怀旧菜式同潮州菜，佢个戏棚粥令我最印象深刻，好好食，必点之选🌟。
张贴
