孖寶車仔麵 (已結業)

去荃湾揾食除左去路德围之外，邻近荃湾广场嘅大坝街亦都系非常多餐厅嘅。今日想食个lunch嘅时候就见到一间布置得几靓嘅餐厅，原来系食车仔面嘅，所以就入去试一试佢嘅手势。车仔面统一四十五蚊有三个𩠌，包热饮，冻饮加三蚊，同埋指定嘅𩠌菜要加钱。今次就叫咗三个𩠌，包括牛腩，贡丸，鱼肉春卷，配幼面同腩汁。牛腩分量唔算多，不过都几冧几入味嘅，贡丸就普普通通啦，冇乜特别，鱼肉春卷就比较有惊喜，因为佢同南记嘅春卷差唔多，可能俾南记嘅细条小小，性价比都算唔错架喇。冻奶茶嘅茶味道略为重，所以杯冻奶茶就苦苦地喇。有心思嘅位系每张枱都有普通菜甫和辣菜甫，我试咗辣菜甫，但就唔系好辣，总结嚟讲呢间车仔面都算唔错嘅，有机会可以返嚟再食。