門角

营业中

休息中

今日去咗旺角黑布街𠮶边一间叫门角嘅手工啤酒舖，喺门外睇好特别，入到店内装修好有特色，有招牌写住福禄寿。餐牌系要扫QR code去落单，Menu上有好几款手工啤可供选择。舖头主打茶叶特色嘅手工啤，但系我哋今日就冇试到，反而试咗一个叫「仙人掌」既手工啤，味道带有啲青柠味，比较清新，好适合依家咁热嘅天气饮。另外再叫左「边炉」，味道有少少似红酒，酸酸甜甜，比起仙人掌就较为失色啦。酒吧因为有餐厅牌所以都会提供小食，我哋就单点左鸡软骨佐酒，味道正正常常，但系食到有少少雪味。总括依然，环境几舒服，对比起附近几间手工啤酒铺，呢一间唔使点排队。平日嚟happy hour都系唔错嘅选择。