影片
更多
2019-06-20
157 浏览
放工食饭饮野如果可以系同一个地方做到其实系方便好多。朋友知道铜锣湾有呢间bar装修同野饮都好特别，打卡一流之余仲好好味，话要带我去。一入黎已经见到一大座倒转既巴黎铁塔。一坐低就有花生可以食住先。花生每位$10。呢度系用平板电脑睇餐牌既。餐牌上面见到啲drinks都好精致。<China’s Night> ($118)系用红酒同白兰地做主调既酒，用中国传统酒壶上，用碗饮，加埋新鲜生果，真系超有feel，好创新。<Swan Lake> ($118)一倒水落去干冰度就散发烟幕效果。呢杯用左近排疯魔全球既Bailey’s Strawberry & Cream，仲有菠萝汁同蔓越莓汁。仲有三粒马卡龙，上面印有餐厅名添。<煎鸡软骨饺子> ($68)饺子包鸡软骨我都系第一次试，咬落软软既饺子皮，同埋入面既咬脆卜卜既鸡软骨，口感非常丰富。因为系配酒菜既关系，所以都系本身带有咸味，唔洗点豉油都好够味。<风沙芦笋> ($78)一条条爽口既芦笋，面头用咸蛋黄调味，非常新颖，朋友都误会左以为系薯条！<法式红酒烩牛尾意粉> ($138)
一入黎已经见到一大座倒转既巴黎铁塔。一坐低就有花生可以食住先。花生每位$10。呢度系用平板电脑睇餐牌既。餐牌上面见到啲drinks都好精致。
<China’s Night> ($118)
系用红酒同白兰地做主调既酒，用中国传统酒壶上，用碗饮，加埋新鲜生果，真系超有feel，好创新。
<Swan Lake> ($118)
一倒水落去干冰度就散发烟幕效果。
呢杯用左近排疯魔全球既Bailey’s Strawberry & Cream，仲有菠萝汁同蔓越莓汁。仲有三粒马卡龙，上面印有餐厅名添。
<煎鸡软骨饺子> ($68)
饺子包鸡软骨我都系第一次试，咬落软软既饺子皮，同埋入面既咬脆卜卜既鸡软骨，口感非常丰富。
因为系配酒菜既关系，所以都系本身带有咸味，唔洗点豉油都好够味。
<风沙芦笋> ($78)
一条条爽口既芦笋，面头用咸蛋黄调味，非常新颖，朋友都误会左以为系薯条！
<法式红酒烩牛尾意粉> ($138)
红酒加牛尾真系完美配搭，牛尾肉质够鲜嫩，红酒超入味，份量几大份，够两个人食。
<The Princess and the Strawberry> ($88)
一块窝夫配上士多啤梨蓉加Bailey’s Strawberry & Cream，同埋一粒粒士多啤梨，仲有一球云尼拿雪糕，作为呢餐完美既句号。
张贴
