泰越概念 (已結業)

铜锣湾嘅选择花多眼乱，乜野食、乜价位都有，但系想揾个餐厅坐得舒服D ，就去咗朋友推荐新开的Aura on Pennington大厦揾食。基本上成栋都系餐厅，最尾我地拣咗三楼嘅《泰越概念》，其实几抵食又几特别㖞！我地分别叫咗《泰越拼盘》、《蟹肉炒粉丝》、《猪颈肉沙律》，仲有两杯饮品《原只菠萝沙冰》同《DIY果汁》同一个甜品《芒果鸳鸯糯米饭》，两个人食咁多野都系$526落楼，抵食！大推荐！！《原只菠萝沙冰》$48 – 真系原个菠萝上枱，影相打卡一流。沙冰嘅菠萝味都好鲜，仲有一大块菠萝食，我认为系必叫。《DIY果汁》$48 - 其实有得选择材料，我地叫咗西柚、柠檬、蜂蜜，味道一般，不过可以自己睇住由水果榨成汁，都几得意，好岩想饮得健康嘅朋友～《泰越拼盘》$128 – 有春卷、鸡翼、札肉粉丝同猪扒，每款四件，好岩钟意试唔同小食嘅朋友。个人觉得春卷同鸡翼比较出色，炸得好脆，春卷嘅馅味都好新鲜，冇叫错。《蟹肉炒粉丝》$98 – 呢个主食都算好大份，两三个人share都好够，我地就系咁样食饱晒！哈哈！味道合适唔会太咸，不过蟹肉部份就好似食唔出蟹味，不过不失咁喇！《猪颈肉沙律》$88 – 呢个系标磅