君滬鍋貼大王

营业中

休息中

今晚嚟到君沪食宵夜，游完水之后，胃口特别好，望住餐牌，有好多嘢想食，眼阔肚窄，最后叫咗碗担担面。唔使五分钟，担担面立即送上。担担面系上海幼面同清汤底，面上有肉酱，肥瘦有致，但佢同传统担担面唔同，完全无花生酱，面旁仲有几条菜同葱粒。味道方面一般，肉酱味道适中，少辣，不过由于碗面冇花生酱，相对冇咁香，但系就冇咁油腻。幼面好淋，冇牙都食得。价钱方面，性价比高，大大碗面只系$23，食完饱饱。环境方面，由于客人唔多，唔算好嘈，亦唔挤迫。总括嚟讲，性价比高，宵夜选择。