鉄人大盛 (已結業)

放题就食得多，有特色嘅放题都系第一次去食，上星期约埋几个朋友 一齐去咗尖沙咀格兰中心呢间“铁人大盛”放题，一个价钱有埋铁板烧、刺身、寿司各式各样嘅美食，十分 超值，特别之处系大部份既座位系围住铁板烧枱坐，一面睇住师傅做铁板烧，一面食放题，感觉新鲜又专业。主打铁板烧即点即整，保证新鲜好味，有烧羊架、牛柳粒、扇贝、鱼柳等等，十多样嘅款式，主力食尼样个都够回本。最正系烧羊架，肥瘦适中，有一点点羊嘅苏味，外表轻微脆，肉嫩juicy。另一样最正嘅系香煎鹅肝，每块鹅肝煎得外脆内软，煎香牛鹅肝放上多士上面，口感非常好。其他放题应有嘅食物例如刺身、寿司等都有应有嘅水准，刺身够新鲜，款式好多，寿司有卷物、军舰、手握寿司等等，很多选择。仲有我最喜爱嘅炸物，炸大虾天妇罗系最好味，而平时唔食榴梿既我都喜欢食嘅榴梿炸弹，仲有芝士球， 炸物既水准非常高，好快都已经食到饱，都冇机会是锅物等。自助式嘅饮品雪柜，再加上日本清酒，款式多选择，而甜品又有Haagen Dazs雪糕，整体嚟讲食物质素高，环境又好，真正食回票价。