茶餐廳2.0 (已結業)

成日都会去大埔出入，都知大埔好多嘢食。 今次谂住快快手食茶餐厅， 见到呢度新开格局光猛就入咗去试下。叫咗个海鲜炒意粉，冇谂过佢会有个贝壳装饰。 佢啲海鲜真系好足料，见到成点都系海鲜有青口，有带子，有虾。食落啲海鲜冇雪味，亦都唔会太咸，觉得唔错可以再叫。另外仲叫咗一个牛柳配薯菜， 啲牛肉好有牛味， 如果可以再煮淋啲就更好。我最欣赏嘅系佢茄汁就一兜比埋你，唔使额外再问佢攞。 啲薯角食落好新鲜好脆，而且好粗碌食落有质感。 整体感觉比起平时茶餐厅好有分别，因为呢度好光猛环境亦都唔会好嘈杂。