羅麥記 (荃新天地) (已結業)

好耐之前就系屯门试过呢间餐厅，𠮶阵觉得呢度又好味，食物又够特色。不过比较少入屯门，呢排先知原来荃湾都开咗，所以今日放工就同朋友嚟食啦。好彩时间够早，仲食到下午茶餐。我哋就叫咗个鸡翼通粉，仲有三文治同炒蛋同埋野饮送添，真系好抵呀。呢个鸡翼通粉最出色嘅就系啲鸡翼，整得好入味，而且鸡肉好嫩滑，我认为佢比其他专食鸡亦既餐厅更加出色。而且炒蛋都整得够香够滑，非常好味。最重要嘅梗系要叫呢一个砖头饭啦，我哋就叫咗黑椒鸡扒饭，食落个辣味好香，鸡扒都好够多，估唔到黑椒汁同面包又几夹㖞，我同朋友都忍唔住系咁食，本身以为两个女仔会食唔晒，但因为太好味所以最后都清晒。饮品方面，我叫咗杯蜂蜜牛奶，好彩唔系太甜，蜂蜜同牛奶估唔到咁夹，饮落感觉好健康。荃湾开咗呢间餐厅真系好啦，以后我都一定会成日黎食啊。