坂奈 (已結業)

之前约咗啲旧同事食饭，朋友带我黎到呢间特色日本烧鱼餐厅。餐厅位置于铜锣湾嘅中心，方便放工过嚟食饭。坐低之后，首先叫咗杯柚子柠檬酒，柚子味浓郁，加上酸酸地嘅味道，清新容易入口，可以减低煎炸食物嘅油腻感。之后再叫咗两个餐前小食，第一个系酒盗芝士，将芝士，酒，同埋一啲刺身碎捞埋一齐，再加上梳打饼，芝士味浓郁，用嚟做佐酒小食就最啱呀。另一个系酥炸鱿鱼，材料新鲜，送酒一流。主菜我哋拣咗一条烧鲳鱼，睇住师傅即叫即整嘅过程，别有一番风味。烧鱼鱼肉新鲜，配合简单嘅调味料，已经能够带出与鱼嘅鲜味。加上独特嘅烧法，皮脆肉嫩，令人回味无穷。