影片
更多
2023-04-04
698 浏览
2023年3月22日 星期三今晚放工之后又同老婆去咗荃湾西海之恋行街拍拖食饭商场里面有呢一间日本拉面餐厅，突然间谂起都好耐冇食过拉面，而且唔知几时先可以返日本旅行，唯有望梅止渴食个拉面当去左先，睇门面餐厅都好有日本屋台既风格入到去坐低左发现系要先点餐俾钱，再等候自行取餐，之后先揾位置，所以即刻睇餐牌有咩食，里面有好多款用日本各个地方命名既特色拉面，就好似叫白武士，其实系九州风樱花虾豚骨汤拉面，我哋就要左二刀流定食，其实系二人套餐，有齐沙律、拉面、鳗鱼饭、小食同饮品，费事考虑太耐唔知点拣好好快食物已经黎齐晒拎得，冇谂过二人餐都几丰富，两个食物盘都装满晒食物首先有呢一个蒲烧鳗鱼饭，鳗鱼几厚身，咬落去好腍，油脂出晒嚟，加埋上面嘅黑白芝麻味道更加香，而且鳗鱼酱捞饭食好惹味，如果有多啲白饭就更加好两份椰菜沙律有粟米同红萝卜丝，再捞埋芝麻酱，酸酸甜甜咁几开胃，同埋椰菜好爽口，粟米都好甜另一个主菜就系黑武士拉面，用咗黑蒜油汤底，老婆话拉面好挂汁，汤底唔算太咸，食完都唔觉得好口渴，而且配料都几多，除咗叉烧之外，仲有半只味玉、粟米同木耳丝，感觉几丰富最后仲有两款小食，分别系元祖炸鸡同南瓜薯饼，两款小食都
今晚放工之后又同老婆去咗荃湾西海之恋行街拍拖食饭
商场里面有呢一间日本拉面餐厅，突然间谂起都好耐冇食过拉面，而且唔知几时先可以返日本旅行，唯有望梅止渴食个拉面当去左先，睇门面餐厅都好有日本屋台既风格
入到去坐低左发现系要先点餐俾钱，再等候自行取餐，之后先揾位置，所以即刻睇餐牌有咩食，里面有好多款用日本各个地方命名既特色拉面，就好似叫白武士，其实系九州风樱花虾豚骨汤拉面，我哋就要左二刀流定食，其实系二人套餐，有齐沙律、拉面、鳗鱼饭、小食同饮品，费事考虑太耐唔知点拣好
好快食物已经黎齐晒拎得，冇谂过二人餐都几丰富，两个食物盘都装满晒食物
首先有呢一个蒲烧鳗鱼饭，鳗鱼几厚身，咬落去好腍，油脂出晒嚟，加埋上面嘅黑白芝麻味道更加香，而且鳗鱼酱捞饭食好惹味，如果有多啲白饭就更加好
两份椰菜沙律有粟米同红萝卜丝，再捞埋芝麻酱，酸酸甜甜咁几开胃，同埋椰菜好爽口，粟米都好甜
另一个主菜就系黑武士拉面，用咗黑蒜油汤底，老婆话拉面好挂汁，汤底唔算太咸，食完都唔觉得好口渴，而且配料都几多，除咗叉烧之外，仲有半只味玉、粟米同木耳丝，感觉几丰富
最后仲有两款小食，分别系元祖炸鸡同南瓜薯饼，两款小食都炸得好香，一咬落去脆卜卜，特别系炸鸡，外皮松脆，但里面仲有肉汁流出黎，至于薯饼就充满南瓜香味，仲食到南瓜蓉喺里面添
食咗咁多嘢，埋单$200都唔使，呢个二人餐真系好抵食！！
张贴
