Jan Jan 串揚專門店 (尊豪坊) (已結業)

之前去大阪嘅时候食过串扬就好想喺香港再食，估唔到喺香港都可以食到，所以就同朋友约埋去食一间日本连锁串扬喺香港开嘅分店💫串扬其实又叫做炸串，喺香港系比较少见，其实佢系将肉或者蔬菜串喺竹签再油炸至金黄色☀️喺大阪关西地区入面其中一种平民美食🌸今日我哋晏昼过嚟食lunch set，见到店舖有Halloween布置都几有心思，我哋两个都叫咗七串套餐$198，可以拣七串串扬或者串烧+沙律+主菜+饮品，另外仲有日本生菜俾你食，同埋唔同酱料俾你自己用嚟点🍀🍤串扬-豚、鸡肉紫苏卷、三文鱼、芝士、年糕、牛、虾炸粉超级薄，入口酥脆唔油腻，估唔到所有肉类炸完仲系好juicy肉质一啲都唔老，牛肉系出色。芝士要趁热食会拉丝。估唔到虾都非常弹牙，如果下次俾我拣我就会拣晒全部串扬🤣🍢串烧-柚子豚肉烧、京葱鸡、三文鱼烟肉、牛舌、牛串烧都唔错，京葱鸡皮脆肉嫩，三文鱼烟肉上面有少少明太子酱估唔到个味好夹。🍙味噌烧饭团烧到个饭团出面香脆，入面仲系软糯，不过略嫌咸咗少少。🍜冷荞麦面系抹茶味嘅荞麦面，食落去好清新，口感啱啱好。