大門拉麵 (屯門市廣場1期)

营业中

休息中

今晚同老公去嘉禾睇戏，睇戏前医左肚先，今次我地黎到位于屯门市广场嘅大门拉面，大概7点去到幸好唔洗等位，入座后侍应就奉上餐牌，餐牌都比较多选择，有拉面，沾面，油面，炒饭，小食等等，我地就拣左大门油面及黑蒜油沾面，等紧上菜嘅时候周围望下餐厅环境，呢间拉面店几特别，有教客人点食沾面，建议加咩调味落油面一齐食，大门油面（$58）日式叉烧肥瘦均匀，拉面面质弹牙，面底有秘制汁酱，捞匀食再配合埋流心蛋，葱花，份外惹味，之后跟建议方法加少少蛋黄酱，醋同辣油，又系另一番风味，一碗两食，几特别又抵食，黑蒜油沾面（$65）一上枱就已经闻到好浓香嘅黑蒜油，面质一样系弹牙，汤底亦做得唔错，但呢一碗嘅日式叉烧就麻麻地，全旧都系肥肉无瘦肉，所以食唔落。