影片
更多
2022-06-09
323 浏览
比起餐廳我覺得佢更似一間Cafe, 成間餐廳好白好明亮, 牆上面掛左幾塊好有質感既大鏡🪞另一邊就掛左啲白燈, 成個感覺真係好似平日打卡cafe📸 食物方面既選擇都幾特別, 呢度既set menu好抵食, 最緊要有我最想試既魔鬼魚✅ JOM Sharing for 2️⃣($398)Snack Platter 囉惹醬蔬果沙律🥗呢個黎自新加坡既沙律用左蝦醬, 辣椒醬, 金桔, 糖為基底既醬料, 配上亞熱帶既生果, 鹹甜辣咁樣幾得意😌蝦棗🦐 用左蝦蓉, 魷魚蓉, 豬腩肉, 栗子混合而成既餡料卷係腐皮入面, 口感幾彈牙, 蝦味都幾濃, 不錯👍🏽蝦醬雞翼🐓 雞翼炸得好脆, 肉質好滑, 蝦醬味就唔太濃😅Rice & Noodle 🍜 三選一我地揀左炒貴刁, 大大碟仲要勁多料, 味道好似乾炒牛河😂 估唔到既係入面有臘腸, 另外仲有魚片頭同蝦仁, 兩個人Share 未必食得曬🤨Meat 🍖 三選一我就揀左比較特別既咖啡骨🍖 大概有6條啖啖肉既骨, 味道甜甜地, 有啲似中式既糖醋骨, 不過帶啲咖啡既味道, 幾好食🥰Vegetable 🥦 二選一我地揀左叄巴炒通菜, 比想像中細碟同埋偏油膩🥲 叄巴醬其實即係大
比起餐廳我覺得佢更似一間Cafe, 成間餐廳好白好明亮, 牆上面掛左幾塊好有質感既大鏡🪞另一邊就掛左啲白燈, 成個感覺真係好似平日打卡cafe📸 食物方面既選擇都幾特別, 呢度既set menu好抵食, 最緊要有我最想試既魔鬼魚✅
JOM Sharing for 2️⃣($398)
Snack Platter
囉惹醬蔬果沙律🥗呢個黎自新加坡既沙律用左蝦醬, 辣椒醬, 金桔, 糖為基底既醬料, 配上亞熱帶既生果, 鹹甜辣咁樣幾得意😌
蝦棗🦐 用左蝦蓉, 魷魚蓉, 豬腩肉, 栗子混合而成既餡料卷係腐皮入面, 口感幾彈牙, 蝦味都幾濃, 不錯👍🏽
蝦醬雞翼🐓 雞翼炸得好脆, 肉質好滑, 蝦醬味就唔太濃😅
Rice & Noodle 🍜
三選一我地揀左炒貴刁, 大大碟仲要勁多料, 味道好似乾炒牛河😂 估唔到既係入面有臘腸, 另外仲有魚片頭同蝦仁, 兩個人Share 未必食得曬🤨
Meat 🍖
三選一我就揀左比較特別既咖啡骨🍖 大概有6條啖啖肉既骨, 味道甜甜地, 有啲似中式既糖醋骨, 不過帶啲咖啡既味道, 幾好食🥰
Vegetable 🥦
二選一我地揀左叄巴炒通菜, 比想像中細碟同埋偏油膩🥲 叄巴醬其實即係大馬既辣醬, 雖然只係食左少少既醬但係都已經覺得好辣🥵
Seafood 🌊
三選一當然係揀最想試既魔鬼魚啦🐟 份量唔多, 肉質偏挺身, 魚骨都係軟骨, 食落脆脆地, 配埋個叄巴醬係幾惹味🤤
Dessert 🍭
咖椰糯米糕🧁 上面綠色既椰汁糕配上蝶豆花糯米飯味道偏淡, 但係作為飯後甜品係幾好😎
西米布甸🍮
細細舊用大粒西米砌成既西米糕浸左係濃濃既椰汁入面, 食既時候一啖接一啖真係好正, 雖然簡單但係我鍾意🤩
呢間餐廳的確幾有驚喜, 食物質素絕對冇辜負到個價錢, 呢個set咁多野我覺得幾抵食😎
张贴
