微辣大排檔 (已結業)

沙田新城市广场嘅微辣大排档开左都一段时间，之前都见到有网站介绍　,觉得佢嘅装饰好得意,呢日我地就黎到食晚餐😊我地教较早到，店员安排左张麻雀枱设计嘅俾我地，好搞笑呀🤣店内其他设计好有心机，有怀旧感觉，好适合朋友聚会打卡。餐牌选择都多，我地点左几样野食冰镇素咕噜肉卖相好靓素肉炸到好香脆，咕噜酱汁入味，厨房整后立即冰镇上枱，把握时间即刻食真系好好味。里面仲系热辣辣而外边冰凉，好特别😊咖喱里面嘅所有配料都好入味，用炉热住keep住温度。萝卜入口即溶，鱿鱼都好爽口弹牙陈皮鱼蛋本身都好香，配合埋咖喱汁一流猪皮入味之余保持口感米酒鸡嘅煲好得意，系鸡嘅图案。店员先把米酒鸡保持住非常热嘅状态上枱，再打开个盖加入米酒，见到煲上面微微起火，闻到一阵阵嘅酒香同埋配料嘅味道。食法可以自己动手剪或手撕。格仔饼外层香脆，里面keep到柔软，有蛋香，非常不错。配上士多啤梨果酱，酸酸甜甜好好味。雪糕同夹饼一齐食冷热交替感觉唔错。😊开心嘅一餐，环境布置和菜式亦很精彩