億饍 (已結業)

秋风起，凉凉地， 经过油麻地近旺角嘅弥敦道( 九龙行对面)见到誉发商场, 望下原来都好多食肆， 今次拣咗4/F呢间东南亚美食嘅亿膳, 全层都系佢哋嘅餐厅。由于我都系早段入座， 侍应安排咗我哋坐四人枱。 一路食饭，一路都好多人入座， 想食记住book枱。呢个菠萝炒饭影真丰富， 用呢个碗仔都不到六碗满， 仲要有好弹牙嘅大虾加新鲜菠萝去炒，yummy 。避风塘野生辣龙虾， 咁大个女第一次食， 果然冇令我失望， 卖相已经好靓， 食落去啲肉好新鲜， 而且十分弹牙， 辣嘅程度亦可以俾你拣， 我哋拣咗小辣都觉得辣，小心小心。均衡饮食法则， 有淀粉质、有肉、 点少得蔬菜， 爱辣嘅我哋叫咗马拉盏通菜， 捧过嚟已经香喷喷， 上枱已经令我哋流晒口水，全部分量都好足够，三样野巳经饱晒。