影片
更多
2017-09-05
206 浏览
约咗一段时间终于约到几个朋友去将军澳游水，喺体力严重消耗下当然要揾嘢食啦。我哋行咗去新都城见呢间餐厅食物款好似几多，里面有黑大黑板写咗好多得意嘅字句，心思思决定试吓。餐厅设计好似学校咁，由枱，櫈，风扇，黑板，壁报板，Locker都有怀旧嘅校园感觉。我哋拣咗一款小食，四款，粉面类，两位比较好胃口嘅同学仔拣咗两款砖头焗，大家开心Share。虾多士，圆碌碌几得意，虾胶同多士一样咁厚，虾胶唔算弹牙，味道可以。砖头焗咖哩软壳蟹饭，软壳蟹有两件，炸到脆卜卜，咖喱汁唔辣，啱晒我。砖头焗猪扒饭，猪扒份量算多，味道唔错。两款砖头焗饭包嘅份量比饭多，好干，要另外问职员拎汁点嚟食，汁有三种味可以拣，分别系白汁，茄汁，咖喱汁。烩牛脷意粉，味道唔错，牛脷够淋，不过份量少，得5块好薄嘅牛脷。避风塘炒面，海鲜配料算多，朋友话味道唔错。肉酱意粉，汁好浓，好惹味。猪颈肉炒银针粉，炒得几好，颜色均匀，味道唔错。菠萝粒粒冰，我觉得系菠萝肉雪成冰再加冰再加罐头糖水。3
我哋行咗去新都城见呢间餐厅食物款好似几多，里面有黑大黑板写咗好多得意嘅字句，心思思决定试吓。餐厅设计好似学校咁，由枱，櫈，风扇，黑板，壁报板，Locker都有怀旧嘅校园感觉。我哋拣咗一款小食，四款，粉面类，两位比较好胃口嘅同学仔拣咗两款砖头焗，大家开心Share。
虾多士，圆碌碌几得意，虾胶同多士一样咁厚，虾胶唔算弹牙，味道可以。
砖头焗咖哩软壳蟹饭，软壳蟹有两件，炸到脆卜卜，咖喱汁唔辣，啱晒我。
砖头焗猪扒饭，猪扒份量算多，味道唔错。
两款砖头焗饭包嘅份量比饭多，好干，要另外问职员拎汁点嚟食，汁有三种味可以拣，分别系白汁，茄汁，咖喱汁。
烩牛脷意粉，味道唔错，牛脷够淋，不过份量少，得5块好薄嘅牛脷。
避风塘炒面，海鲜配料算多，朋友话味道唔错。
肉酱意粉，汁好浓，好惹味。
猪颈肉炒银针粉，炒得几好，颜色均匀，味道唔错。
菠萝粒粒冰，我觉得系菠萝肉雪成冰再加冰再加罐头糖水。
3
张贴
