薈聚軒

营业中

休息中

同邻居打完波，又唔想出得太远食嘢，咁就近近地喺附近食个晏，最后都系去返呢间酒楼饮茶。其实佢过嚟讲呢间酒楼都叫做唔错，胜在某几款点心好食啲。佢啲煎炸嘢又做得几好，个叉烧酥个酥皮好鬼松化。𠮶张卷啲皮都好薄，中间啲虾肉都好足料。虾饺，萝卜糕，都系基本功，冇乜惊喜嘅感觉。反而食咗咁多次最钟意佢个龙虾汤鲜竹卷真系浸住啲汤特别鲜味同埋个炸奶都处理得几好，唔会食到成口油。头先都有提及𠮶个酥皮做得唔错，呢个鲍鱼酥都唔例外，个size仲加啱啱好可以一口酥咁食。不过呢餐都要九百几蚊，性价比高唔高就因人而异。