Aroma Thai Food

营业中

休息中

最近试咗间位于太子嘅泰式餐厅 Aroma Thai Food，一入门口已经感受到浓厚嘅泰式气息，啲装修摆设都好有心机，啲灯光同摆设都营造到舒适嘅用餐环境。今次我哋试咗几款招牌菜式，首先系泰式生虾，啲虾新鲜弹牙，个酱汁酸辣开胃，辣度啱啱好，唔会盖过虾嘅鲜味。酱汁用青柠同辣椒调制，食落真系好开胃！主菜方面，必试嘅系佢哋嘅泰式清汤米粉。用料十足，啲安格斯牛肉嫩滑无渣，牛丸弹牙爽口，牛肚同牛柏叶都煮得好腍，唔会韧。最正系个汤底，清而不淡，香料味香但唔会太浓郁，饮完都唔会觉得漏。傣式椒麻手撕鸡就系另一个惊喜，鸡肉嫩滑多汁，淋上椒麻酱汁，微微麻辣，食落香辣过瘾！泰北烤鸡金面个蛋面面煮得啱啱好，唔会太软，个烤鸡腌得入味，配埋特制酱汁，食落层次感丰富。咖喱面系清迈好出名嘅米芝莲名物，香港都唔系好多餐厅有得食，喺度见到都觉得好惊喜最后嘅泰式粉红梳打都几特别，粉红色嘅梳打水加入泰式香料，清甜解腻，饮落好清新舒服。