拳王泰國餐廳 (已結業)

是日男朋友生日，去完海马公园就去铜锣湾食饭，本来打算食放题，不过因为唔肚饿所以放弃。起地铁C出口行左一阵见到呢间泰国菜好似几有特色，系关于打拳(后来发觉铜锣湾都几多拳铺)，而且可以点埋另一间叫原道烧场的食物，一于试一试。入面好多摆设都系关于打拳，连入面电视都系播紧拳赛。我怀疑老板本身系咪开拳馆？🤔入座即上脆卜卜虾片一碟。好快就上第一味𩠌，牛香脷👅 。烧完唔会好干，可以选辣度，我地点小辣都几辣下，其实原味都应该够好食。烧猪颈肉，份量都几多，腌得入味，再点上微辣的泰式汁真系绝配。原个菠萝炒饭有好多海鲜铺面，青口，鱿鱼，虾，带子，再加上肉松同腰果。饭底炒得唔湿，份量都唔少，每人都添左两三次先食完。最后系上烧大虾，加上蒜蓉酱烧到几香，虽然唔算大只，但好多虾膏，唔使点汁已经够味。