藍象泰國餐廳 (已結業)

Item: 藍象泰國餐廳
Rating: 5
Author: Monkey Hin

Blue Elephant Thai Brasserie

645 食记

味道

环境

服务

卫生

抵食

11162

尖沙咀

$101-200

泰国菜咖喱

479

Monkey Hin

等级4

648

同事成日去泰国, 而佢又成日同我提话佢去泰国食过一啲高档既泰菜好好味, 环境又靓, 间餐厅叫 Blue Elephant, 佢叫我叫果去Bangkok一定要去食, 但咁啱比我揾到原来香港都有呢间餐厅, 仲要系位于尖咀海港城, 于是我昨晚就同左我屋企人去食。餐厅位于海港城既港威商场, 都算好易揾, 而且好靓, 好高档, 黑色既布局再配埋望出去系180度既维港夜景, 真系无敌, 而且座位宽阔, 枱与枱之间都有好充足既空间, 所以食饭既时候你唔会觉得迫, 亦唔会比附近既食客嘈到你。带位既女店员态度非常有礼, 笑容亲切, 我觉得绝对会因为咁而加分!

其实呢间蓝象既食物真系有太多选择啦, 所以我地坐左系度睇menu都睇左起码10分钟, 选完呢个又想试第二个, 不过得两个人都唔可以食到太多野, 最尾我地选择左大路既咖喱同埋小食拼盘等等..

咖喱我地选择左一个比较特别的, 叫做 Massaman Lamb, 「香浓马沙文咖喱配羊肉」 ($238), 小食拼盘 ($168) 有泰式沙嗲鸡串、泰式沙嗲猪肉串、蓝象炸虾饼、好似炸云吞既「脆皮青咖喱黄金包」、同埋一个泰式特色小食, 叫做 Ma Hor , 「马可慢煮花生软糖配新鲜菠萝」，另外我地仲点左「泰式椰子鸡汤」(两位用$188), 黑米饭 ($20), 油松饼 ($55), 饮品 Blue Butterfly ($55), 卖单系 $778。

呢度上菜算好快, 10分钟内几乎所有菜都已经上齐, 我地7点钟入座都唔洗等位。先讲个沙文咖喱羊, 系加左八角, 估唔到咖喱加八角系咁好味, 会咬到一粒粒既八角 (数量不多), 好香好香, 而羊肉非常tender, 好大件, 好足料, 充满住羊肉既独有羊香味, 而最正既系佢加左紫蕃薯, 而唔系用普通既薯仔, 感觉个层次又再提升左一级! 个咖喱一定要配油松饼, 个油松饼好香口, 微微脆而带软滑既口感, 食落非常松化, 加左加文咖喱, 我超级钟意! 个咖喱系甜甜地唔太辣, 而且有啲好脆好香口既腰果, 两个字, 好味到爆 (四个字先啱)!

食左啲浓味既野梗系要有啲清甜既汤滋补一下, 平衡下个味蕾, 不过呢个椰子鸡汤又出乎我地意料之外地香浓, 系好浓好浓, 少少稠, 劲多嫩滑既鲜鸡肉, 个汤系纯白至米白色既浓汤, 每一口都充满住新鲜白鸡再加上浓郁椰子既香气, 冲击住你既味蕾! 呢个汤好似6号成日讲既果3个字, “不得了”! 呢个汤真系不得了, 好正! 我话你知, 我以后黎Blue Elephant我每一次都一定会叫呢个椰子鸡汤! 系一定!

呢餐我地无叫过菜, 唔记得左, 不过好彩叫左高纤既黑米饭, 高纤得黎黑高又高铁质, 好滋补, 用黎配沙文咖喱都系唔错既选择。软熟得黎又有咬口, 但系唔会食到你成个口好攰果只咬口，好有水准。

再黎系小食拼盘, 好多野, 每一样都细细件, 有两件, 可以试多几种唔同既野食吖嘛! 最啱我地呢啲唔系食得超多野但又心大心细想试多几款唔同野食既人! 个串烧其实系有两种酱汁, 比你任君选择, 有沙嗲汁, 又有甜酸鸡酱, 我钟意沙嗲汁多啲, 贪佢够香甜, 用黎点鸡串猪肉串都啱, 不过鸡串同猪肉串都偏硬身, 面头有少少焦香, 可以烧得短时间啲会嫩滑啲! 炸虾饼好特别, 食到入面系有一粒粒虾肉, 够真材实料, 仲以为虾饼会比较细件, 但其实4件都几多几大块, 面层好脆, 正! 跟住食左一个好特别既慢煮花生糖, 咬落有一糖糖既花生碎, 甜甜地, 配埋菠萝, 口感特别, 花生糖系咸甜混和, 再加埋菠萝既多汁鲜甜, 中和返, 好清新既感觉! 而青咖喱黄金包, 真系好似细细粒既炸云吞, 入面系鸡肉, 似鸡肉丸, 几特别。